Skólaheimsóknir fyrir jólin
Við erum að lesa upp úr verðlaunabókinni Bestu vinir.
Viltu fá okkur í heimsókn í skólann eða á bókasafnið?
Sendu okkur póst á sogusmidjan@gmail.com
Sögusmiðjur fram undan
Svakalega sögusmiðjan er skapandi vettvangur fyrir börn þar sem þau læra að hugsa skapandi og búa til sögur, bæði skrifa og teikna.
Svakalega sögusmiðjan heldur skapandi smiðjur fyrir börn um land allt, heimsækir skóla á vegum List fyrir alla og heldur utan um Svakalegu lestrarkeppnina.
Bestu vinir segir frá Ara og Birtu Sól, tveimur ólíkum krökkum sem kynnast þegar Birta Sól flytur í hverfið hans Ara. Ari er feiminn og hlédrægur en Birta Sól opin og jákvæð. Þegar skólinn þeirra verður fyrir skemmdarverkum dragast þau óvænt inn í leitina að sökudólginum og þurfa að sameina krafta sína, sýna hugrekki og nýta ólíka styrkleika til að leysa málið.
Bestu vinir er hlýleg og skemmtileg saga um vináttu, hugrekki og mikilvægi þess að dæma ekki aðra fyrir að vera öðruvísi. Sagan er uppfull af húmor og spennu með myndum á hverri opnu, en myndirnar gegna mikilvægu hlutverki í frásögninni og bjóða lesendum að uppgötva ýmislegt sem ekki kemur fram í orðunum einum saman.
Bestu vinir fengu Barnabókaverðlaun Guðrúnar Helgadóttur 2026.
Svakalega lestrarkeppnin
Svakalega lestrarkeppnin er lestrarátak fyrir öll börn í 1. - 7. bekk um land allt. Skólar landsins keppast um það hver les mest á tímabilinu 15. september til 6. október 2026. Sá skóli sem les mest fær titilinn Svakalegasti lestrarskóli landsins.
Svakalega sögusmiðjan
Í Svakalegu sögusmiðjunni læra krakkar á aldrinum 8 - 13 ára fjölbreyttar leiðir til að búa til sögur, bæði skrifa og teikna. Smiðjurnar eru haldnar um allt land.
Skólaheimsóknir og fyrirlestrar
Við heimsækjum skóla og tölum um skapandi hugsun, sögugerð og lestur. Atriðið okkar Svakalegar sögur hefur ferðast um land allt á vegum List fyrir alla.
„Nemendur voru rosalega áhugasamir og keppnisskapið tók alveg völdin.“
— Kennari í grunnskóla um Svakalegu lestrarkeppnina
„Það var hvetjandi að taka þátt í keppninni. Vakti mikinn áhuga hjá strákunum.“
— Kennari í grunnskóla um Svakalegu lestrarkeppnina
„Takk kærlega fyrir okkur. Þetta var afar skemmtileg upplifun fyrir okkur öll. Þið voruð svo hressar og náðuð að fanga athygli nemenda mjög vel.“
— Deildarstjóri yngra stigs grunnskóla um Svakalegar sögur, skólaheimsóknir.
„Það voru allir mjög ánægðir með heimsóknina frá ykkur. Held þið hafið gefið kennurum margar hugmyndir, allavega
mikið rætt á kennarastofunni.“
— Aðstoðarskólastjóri um Svakalegar sögur, skólaheimsóknir